Türkiyənin xarici işlər naziri Mövlud Çavuşoğlu Antalya Diplomatiya Forumu çərçivəsində Ermənistanın xarici işlər naziri Ararat Mirzoyanla görüşüb.Senzor.az Türkiyə mətbuatına istinadən bildirir ki, tərəflər iki ölkə arasında əlaqələrin bərpası və regional məsələləri müzakirə ediblər.
Çavuşoğlu Mirzoyanla görüşü müsbət qiymətləndirib:"Məmnuniyyətlə demək istəyirəm ki, biz Cənubi Qafqazda sülh və sabitlik üçün səy göstərməkdəyik. Regionda sülhün olması hər birimizin xeyrinədir. Erməni həmkarım ilə bu mövzuda danşıdım".
A.Mirzoyan isə M.Çavuşoğluna Antalya Diplomatiya Forumuna dəvət üçün təşəkkürünü bildirib: "İkitərəfli münasibətləri inkişaf etdirmək üçün qeyd-şərtsiz təmaslara davam edəcəyik. Ermənistan bölgədə sülhün bərqərar olmasında qərarlıdır".
