Şimali Kiprin Baş naziri Ünal Üstel Girne sahillərində batan sərnişin gəmisi ilə bağlı apardıqları istintaq çərçivəsində gəmi kapitanı və 7 əməkdaşın saxlanıldığını açıqlayıb.
Senzor.az bildirir ki, bu barədə Türkiyə mediası məlumat yayıb.
Yeri gəlmişkən, daha əvvəl Şimali Kiprin Prezidenti Tufan Erhürman gəmi qəzası ilə bağlı istintaqın başladıldığını bildirmişdi.
Xatırladaq ki, indiyə olan məlumata görə, Girnə şəhəri sahillərində baş vermiş gəmi qəzasında 7 nəfər həyatını itirib, 237 nəfər xilas olunub. Xilas olunanlar arasında iki Azərbaycan vətəndaşı da var. Hazırda 23 nəfərin axtarışları davam edir.
