Türkiyə Prezidenti Rəcəb Tayyib Ərdoğanla Ukrayna Prezidenti Volodimir Zelenski arasında telefon danışığı olub.Senzor.az yerli KİV-ə istinadən bildirir ki, bu barədə Türkiyə Prezidenti Administrasiyasından məlumat verilib.
Məlumata görə, liderlər Ukraynadakı müharibəni müzakirə ediblər.
Söhbət zamanı Ərdoğan dayanıqlı atəşkəsin vacibliyini bir daha vurğulayıb. O, müharibənin davam etdirilməsinin heç bir tərəfə fayda verməyəcəyinə işarə edib.
Ərdoğan Ukrayna və Rusiya liderləri arasında görüş təşkil etmək üçün səylərini davam etdirəcəyinə əmin edib.
Türkiyə lideri əlavə edib ki, ölkəsi həm Ukraynada, həm də qonşu ölkələrdə yaşayan ukraynalılara humanitar yardım çatdırmaqda davam edir.
