Ukrayna kəşfiyyatı: Zelenskinin öldürülməsi üçün ölkəyə xüsusi dəstə göndərilibMartın 20-də “Vaqner” özəl hərbi şirkətinin sahibi Yevgeni Priqojinlə əlaqəli olan daha bir silahlı qrup Ukraynaya gəlib.
Bu barədə Ukrayna Müdafiə Nazirliyi yanında kəşfiyyat xidməti özünün “Telegram” kanalında məlumat yayıb.
Bildirilir ki, cinayətkarların əsas vəzifəsi ölkənin ali hərbi-siyasi rəhbərliyini məhv etməkdir.
“Muzdluların əsas hədəfi Volodimir Zelenski, Andrey Yermak, Denis Şmıxaldır”, - məlumatda vurğulanıb.
Qeyd edək ki, bundan əvvəl Ukrayna Prezidenti Aparatı rəhbərinin müşaviri Mixail Podolyak Zelenskiyə qarşı artıq on dəfədən çox sui-qəsd cəhdi olduğunu bəyan etmişdi.
