Ukraynanın paytaxtı Kiyevin Podolsk rayonu Rusiya hərbçiləri tərəfindən raketlə atəşə tutulub, nəticədə bir neçə partlayış baş verib.Senzor.az yerli KİV-ə istinadən bildirir ki, bu barədə Ukraynanın Fövqəladə Hallar üzrə Dövlət Xidmətinin Kiyev şəhər Baş İdarəsi məlumat yayıb.
Partlayışların ardınca Podolski rayonundakı ticarət mərkəzlərindən birinin ərazisində güclü yanğın baş verib. Hadisə yerinə 11 yanğınsöndürmə texnikası və 63 canlı qüvvə cəlb olunub.
Yerli vaxtla saat 02:18-də (Bakı vaxtı ilə saat 04:18) yanğınsöndürənlər tərəfindən ümumi sahəsi 1 500 kv.m olan yanğın lokallaşdırılıb. Hazırda yanğının tam söndürülməsi davam edir.
"4 nəfər hadisə yerində ölüb, 1 nəfər xəsarət alıb. Məlumat dəqiqləşdirilir", - deyə xilasedicilər bildiriblər.
