Ukraynada Çerniqov vilayətinin Kryükov şəhərində Azərbaycan şirkətinə məxsus avtomobil və sürücüsü mühasirəyə düşüb."Report" bildirir ki, bu barədə İvano-Frankovsk vilayəti Azərbaycanlılar Konqresinin sədri, logistika xidməti rəhbəri Mətləb Nəcəfov məlumat verib.
O deyib ki, Azərbaycanın "Volf transport" şirkətinə məxsus yük maşını və onun sürücüsü, Azərbaycan vətəndaşı 1967-ci il təvəllüdlü Əliyev Arif Eynulla oğlu Kryükovda Rusiya qoşunları tərəfindən mühasirəyə alınan şəhərdə artilleriya atəşi altındadır və həyatına təhlükə var.
Onunla bərabər Gürcüstan və Türkiyə şirkətlərinə məxsus yük maşınlarının sürücüləri də mühasirədədirlər. Məsələ ilə bağlı müraciət etsələr də, heç bir nəticəsi yoxdur.
