Ukrayna hərbçiləri Rusiya dəniz piyadalarının 810-cu briqadasının komandiri polkovnik Aleksey Şarovu məhv ediblər.Senzor.az yerli KİV-ə istinadən bildirir ki, bu barədə Odessa Regional Hərbi Administrasiyası Operativ qərargahının spikeri Sergey Bratçuk məlumat verib.
O qeyd edib ki, düşmənlər, o cümlədən Odessaya basqın etməyi planlaşdıran rus dəniz piyadaları indi Nikolayevlə Mariupol arasında “çürüyürlər”.
"Yaxşı xəbər var - Rusiya dəniz piyadalarının briqadasının komandiri məhv edilib", - Bratçuk bildirib.
O, Ukrayna Silahlı Qüvvələrinə və doğma torpaqlarını işğalçılardan qoruyan hər kəsə təşəkkür edib, qələbəyə inandığını söyləyib.
Ukrayna ordusunun zabiti Anatoli Ştefan isə özünün “Twitter” səhifəsində yazıb: “Dəniz piyadalarının Jukov ordenli 810-cu qvardiya əlahiddə briqadasının komandiri, polkovnik Aleksey Şarov Mariupolda “Təlimlərdə” “yolunu azdı”, amma indi evə düz qayıdacaq. Düşmənlərə ölüm!”.
