Türkiyə Prezidenti Rəcəb Tayyib Ərdoğanla Fransanın dövlət başçısı Emmanuel Makron arasında görüş olub.Senzor.az bildirir ki, liderlər Belçikanın paytaxtı Brüsseldə NATO sammiti çərçivəsində bir araya gəliblər.
Görüş təxminən yarım saat davam edib.
Yelisey sarayının görüş barədə yaydığı məlumatda bildirilir ki, tərəflər Ukraynadakı vəziyyəti müzakirə edərək, müharibədən yan keçməyin vacib olduğunu bəyan ediblər.
O da qeyd olunub ki, türkiyəli liderlə görüşü zamanı Makron ölkəsinin Minsk Qrupu çərçivəsində Azərbaycan və Ermənistan arasındakı böhranda daimi siyasi həll yolu tapmaqda qərarlı olduğunu bildirib.
Makron Türkiyə ilə Ermənistan arasında münasibətlərin normallaşması üçün göstərilən səylərdən məmnunluğunu da ifadə edib.
