“Qərb həmişə sanksiyalar üçün səbəb tapacaq, onların məqsədi Rusiya Federasiyasının inkişafının qarşısını almaqdır”.Bunu Rusiyanın xarici işlər naziri Sergey Lavrov KİV-ə verdiyi müsahibəsində deyib.
O qeyd edib ki, Rusiyanın dünyada çoxlu sayda tərəfdaşı var və heç bir təcriddən söhbət gedə bilməz.
Lavrovun sözlərinə görə, Moskva Avropa İttifaqının Balkan ölkələrini anti-Rusiya sanksiyalarına cəlb etmək üçün onlara göstərdiyi təzyiqləri izləyir.
“Biz, bəzi Qərb siyasətçilərinin Rusiyaya qarşı total müharibə adlandırdıqları ümumi kampaniya çərçivəsində misilsiz təzyiqlər görürük. Bu, indi deyil, çoxdan başlayıb. Aİ-nin xarici siyasət təşəbbüsləri son vaxtlar getdikcə daha çox anti-Rusiya xarakteri daşıyır", - Lavrov söyləyib.
