Martın 26-28-də Türkiyə və Rumıniyada aşkar edilən dəniz minaları Ukrayna Hərbi Dəniz Qüvvələrində qeydiyyata alınmayıb.Senzor.az yerli KİV-ə istinadən bildirir ki, Ukrayna Xarici İşlər Nazirliyinin (XİN) saytında yerləşdirilən məlumatda belə deyilir.
“Rusiya hərbi qüvvələri 2014-cü ildə Ukraynanın Sevastopol şəhərinin müvəqqəti işğalı zamanı ələ keçirdiyi dəniz minalarından istifadə edərək Ukraynanı qəsdən təxribata çəkməyə və nüfuzdan salmağa çalışır. Rusiya bütün Qara dənizdə, Azovda, eləcə də Qara dəniz boğazlarında dəniz minalarından qəsdən istifadə edir, hər şeydən əvvəl mülki nəqliyyat və insan həyatını təhdid altına alır”, - açıqlamada deyilir.
