Məşhur ukraynalı futbolçu, “Qızıl top-1986”nın sahibi İqor Belanov silah alaraq Ukraynanın müdafiəsinə qoşulub.Bu barədə “Futbol 24” nəşri məlumat yayıb.
Buna qədər Belanov dəfələrlə hərbçilərin yanında olub, onlara dəstək verdiyini bildirib. Lakin hazırda onun ərazi müdafiə qüvvələrinə qoşulduğu qeyd olunur.
Xatırladaq ki, İqor Belanov SSRİ futbol tarixində “Frans futbol” nəşrinin “Qızıl top” mükafatını qazanmış üç futbolçudan biridir. İ.Belanovla yanaşı, Lev Yaşin (1963) və Oleq Bloxin (1975) də “Qızıl top”a sahib olublar.
