İranın Xuzistan vilayətində sərhədçilərlə silah qaçaqmalçıları arasında toqquşma baş verib.Senzor.az yerli KİV-ə istinadən bildirir ki, məlumatı İran Sərhəd Qoşunlarının komandiri Əhmədəli Güdərzi verib.
O qeyd edib ki, daxil olan operativ məlumata əsasən sərhədçilər Hur əl-Əzm sərhəd bölgəsində qanunsuz yollarla İrana silah keçirməyə cəhd edənlərin qarşısını alıblar.
Əməliyyat zamanı silah qaçaqmalçıları sərhədçilərə atəş açıblar. Silahlı toqquşma zamanı 2 silah qaçaqmalçısı yaralanaraq həbs edilib.
Ə.Güdərzinin verdiyi məlumata görə, qaçaqmalçılardan 1 qayıq, 30 avtomat, 1 tapança və 60 ədəd döyüş xəncəri götürülüb. Hazırda istintaq aparılır və qaçaqmalçıların əlaqədə olduğu adamlar axtarılır.
Qeyd edək ki, İranın Xuzistan vilayəti Fars körfəzi sahillərində yerləşir və qaçaqmalçılar qanunsuz olaraq dəniz vasitəsilə ölkəyə soxulmağa çalışıblar.
