“Pakistanın Milli Assambleyasında mənə qarşı etimadsızlıq səsverməsi ölkəyə idxal edilmiş hökumətin hakimiyyətə gəlməsi ilə bağlıdır. Mən idxal olunan hökuməti tanımıram. Hakimiyyətin ötürülməsi yalnız demokratik - seçkilər yolu ilə həyata keçirilməlidir”.AzVision.az xəbər verir ki, bunu Pakistanın Baş naziri İmran Xan respublikanın aparıcı televiziya kanalları tərəfindən yayımlanan xalqa müraciətində deyib.
İmran Xan Pakistanın ABŞ-dakı keçmiş səfiri Əsəd Məcid Xana istinad edərək bildirib ki, onun Baş nazir postundan uzaqlaşdırılması cəhdi müxalifətin etimadsızlıq səsverməsi təklif etməsindən bir neçə ay əvvəl Qərb tərəfindən təşkil edilmişdi.
Hökumət başçısı aprelin 10-da həmvətənlərini ümummilli dinc etiraz aksiyasında iştirak etməyə çağırıb.
