Əsas prioritet Luqansk və Donetskin nasistlərdən və şeytanlardan, sonra isə Kiyev də daxil olmaqla bütün digər şəhərlərin tam azad edilməsidir."Unikal" xəbər verir ki, bunu Çeçenistan lideri Ramzan Kadırov deyib.
"Bizim işimiz hücum xarakteri daşıyacaq. Təkcə Mariupolda deyil, bütün digər yaşayış məntəqələrində, şəhər və kəndlərdə də. İlk növbədə, biz Luqansk və Donetski tamamilə azad edəcəyik. Bu, Ali Baş Komandan tərəfindən qoyulmuş vəzifədir, bizim Hörmətli prezident Vladimir Vladimiroviç Putin, bundan sonra biz Kiyevi və bütün digər şəhərləri ələ keçirəcəyik", - Kadırov bildirib.
Eyni zamanda o, məqsədin şəhərləri almaq deyil, "nasistləri məhv etmək" olduğunu izah edib: "Məqsədimiz şəhərləri almaq deyil, bizim məqsədimiz bu banderanı, nasistləri və şeytanları məhv etməkdir".
Kadırov əlavə edib ki, "bir addım belə geri atılmayacaq".
