Türkiyə Prezidenti Rəcəb Tayyib Ərdoğanla Pakistanın yeni Baş naziri Şahbaz Şərif arasında telefon danışığı olub.Senzor.az Türkiyə mətbuatına istinadən bildirir ki, R.T.Ərdoğan Şahbaz Şərifi Pakistanın yeni Baş naziri seçilməsi münasibətilə təbrik edib.
Seçki nəticələrinin dost və qardaş ölkənin xalqı üçün faydalı olmasını arzulayan Ərdoğan Türkiyənin köklü tarix, dostluq və qardaşlıq əlaqələri ilə bağlı olduğu Pakistanda baş verənləri yaxından izlədiklərini, xalqın üzləşdiyi bütün çətinliklərə və maneələrə baxmayaraq, demokratiya və qanunun aliliyindən əl çəkmədiyini qeyd edib.
Ərdoğan Türkiyənin, indiyə qədər olduğu kimi, bundan sonra da Pakistana hər cür dəstək verəcəyini bildirib.
