“Biz bütün ukraynalı əsirləri dəyişmək üçün əlimizdən gələni edirik”.“Ukrinform” xəbər verir ki, bunu Ukrayna Prezident Ofisi rəhbərinin müşaviri Oleksiy Arestoviç deyib.
“Ordumuz bir çox “maraqlı kadrları” ələ keçirib. Onlar çox qiymətlidir. Rusiyalı əsirlər arasında elə şəxslər var ki, onlarla 50-80 nəfəri dəyişmək olar”, - o bildirib.
O.Arestoviç konkret ad çəkməyib, lakin rusiyalı məhbuslar arasında yüksəkrütbəli zabitlərin və siyasətçilərin qohumlarının olduğunu bildirib. O söyləyib ki, Ukrayna qoşunları Rusiyanın vilayət qubernatorlarından birinin əmisi oğlunu əsir götürüb.
Qeyd edək ki, indiyədək Rusiya ilə Ukrayna arasında beş dəfə əsir mübadiləsi olub.
