Türkiyə Silahlı Qüvvələrinin İraqın şimalında keçirdiyi “Pənçə-Kilit” əməliyyatı bölgəsində daha bir türk hərbçi şəhid olub.Məlumatı Türkiyənin Milli Müdafiə Nazirliyi yayıb.
Bildirilib ki, Kaan Kanlıkuyu terrorçuların raket hücumu nəticəsində şəhid olub.
“Bölgədə antiterror əməliyyatları davam edir”, - nazirlikdən qeyd olunub.
Kaan Kanlıkuyu “Pənçə-Kilit” əməliyyatında şəhid olan ikinci Türkiyə hərbçisidir.
“Report” xatırladır ki, aprelin 18-də gecə saatlarında Türkiyə Silahlı Qüvvələri İraqın şimalında yeni antiterror əməliyyatına başlayıb. PKK-nın terror yuvalarını zərərsizləşdirilməsinə hədəflənən bu əməliyyatda havadan kəşfiyyat və zərbə PUA-ları, həmçinin ATAK helikopterləri iştirak edir, qurudan isə xüsusi təyinatlılar hərəkət edir.
