Ukraynanın paytaxtı Kiyevdə Prezident Volodimir Zelenski ilə ABŞ-ın dövlət katibi Entoni Blinken və ABŞ-ın müdafiə naziri Lloyd Ostin arasında görüş olub.Senzor.az bildirir ki, bu barədə Zelenskinin Mətbuat xidməti məlumat yayıb.
Bununla yanaşı, Zelenski öz rəsmi “İnstaqram” hesabında görüşdən fotolar paylaşıb və toplantı zamanı müzakirə olunan məsələləri açıqlayıb: “Dövlət katibi Entoni Blinken və müdafiə naziri Lloyd Ostin ilə müdafiə yardımı, Rusiyaya qarşı sanksiya siyasətinin gücləndirilməsi, Ukraynaya maliyyə dəstəyi və təhlükəsizlik zəmanətləri məsələlərini müzakirə etdik”.
