İraqın şimalında İŞİD terror qruplaşmasının hücumu nəticəsində azı 7 polis əməkdaşı ölüb.
“Shafaq News” agentliyinin məlumatına görə, terrorçular Kərkük vilayətinin kəndlərindən birində polis əməkdaşlarına hücum ediblər. Hadisə nəticəsində 7 polis əməkdaşı ölüb, yaralılar var.
Azvision.az xatırladır ki, İŞİD yaraqlıları 2014 -cü ilin yayında İraq ərazisinin təxminən üçdə birini işğal etmişdilər. 2015-ci ildə beynəlxalq koalisiyanın dəstəyi ilə hökumət qüvvələri ekstremistlərin nəzarətinə keçən əraziləri azad etmək üçün genişmiqyaslı kampaniyaya başladı. 2017-ci ilin dekabrında ölkə hökuməti terror qruplaşmasının İraqda məğlubiyyətini elan etdi. Bundan sonra İraqda təhlükəsizliklə bağlı vəziyyət xeyli yaxşılaşmış, terror hücumları isə səngimişdi...
