Son sutkada Ukraynanın Hərbi Hava Qüvvələri və Quru qoşunları Rusiyanın 8 hava hədəfini – bir təyyarəsini, bir qanadlı raketini və 6 əməliyyat-taktiki PUA-sını məhv edib.Senzor.az yerli KİV-ə istinadən bildirir ki, Ukrayna Silahlı Qüvvələri Baş Qərargahının yaydığı son məlumatda belə deyilir.
Bundan başqa, Ukrayna hərbçiləri son 24 saatda Donetsk və Luqansk vilaylətlərində Rusiyanın 6 hücumunun qarşısını alıb, 5 tankını, bir artilleriya sistemini, 22 zirehli texnikasını, bir avtomobilini və bir zenit qurğusunu zərərsizləşdiriblər: “Rəqib müvəqqəti işğal etdiyi Krımla quru dəhlizinə, Donetsk və Luqansk vilayətlərinə tam nəzarəti ələ keçirmək məqsədilə Şərq əməliyyat zonasından hücumu davam etdirir. Rusiya qoşunları praktiki olaraq bütün istiqamətlərdə intensiv atəş açır”.
Məlumata görə, Rusiya Melitopol aerdromundan “Su-25” hücum təyyarələri, “Ka-52” zərbə və “Mi-8” nəqliyyat-döyüş helikopterləri üçün baza kimi istifadə edir.
