Ukrayna və Rusiya arasında əsirlərin növbəti mübadiləsi həyata keçirilib.Senzor.az bildirir ki, bu barədə Ukrayna Baş nazirinin müavini, müvəqqəti işğal olunmuş ərazilərinin reinteqrasiyası üzrə nazir İrina Vereşçuk məlumat verib.
“Yeni əsir mübadiləsi baş verdi, 45 nəfər Rusiya əsirliyindən azad edildi” – deyə nazir “Telegram”da yazıb.
O, azad olunanlardan 33 nəfərin hərbçi, 12 nəfərin isə mülki şəxs olduğunu bildirib. Vereşçuk hərbçilərdən beşinin yaralı olduğunu da qeyd edib.
