Rusiya ilə növbəti əsir mübadiləsi nəticəsində 14 nəfər Ukraynaya qayıdır.Senzor.az bildirir ki, bunu Ukrayna Baş nazirinin müavini - müvəqqəti işğal olunmuş ərazilərin reinteqrasiyası üzrə nazir İrina Vereşuk özünün "Telegram" kanalında yazıb.
"Bu gün əsirlərin mübadiləsi baş tutub. 14 nəfər evinə qayıdır: 7 hərbçi, 7 mülki şəxs", - deyə o bildirib.
İ.Vereşükun sözlərinə görə, bu mübadilə onun üçün xüsusidir: “Hərbçi qadınlardan biri beş aylıq hamilədir".
Xatırladaq ki, Ukrayna ilə Rusiya arasında sonuncu əsir mübadiləsi aprelin 28-də həyata keçirilmişdi. Həmin mübadilə zamanı 45 ukraynalı vətənə qayıtmışdı.
