Təkcə son 2 gündə Ukrayna ordusu Rusiyanın ümumi dəyəri təxminən 2 milyon dollar olan 20-yə yaxın PUA-sını məhv edib.Senzor.az yerli KİV-ə istinadən bildirir ki, bunu Ukrayna Silahlı Qüvvələrinin baş komandanı Valeri Zalujnı deyib.
“Quru Qoşunlarının elektron müharibə və hava hücumundan müdafiə bölmələrinin yaxşı işi. Son 2 gündə Ukrayna Silahlı Qüvvələri ümumi dəyəri təxminən 2 milyon dollar olan 20-yə yaxın düşmən PUA-sını məhv edib”, - Zalujnı bildirib.
Ukrayna Baş Qərargahı isə sosial şəbəkə hesabında yaydığı məlumatda Rusiyanın itkilərinin yenilənmiş siyahısını təqdim edib.
Bildirilir ki, Rusiya indiyə qədər 24 200 hərbçi, 1062 ədəd tank, 2567 ədəd zirehli döyüş maşını, 475 ədəd artilleriya sistemi, 162 ədəd RYAS (reaktiv yaylım atəş sistemi), 80 hava hücumundan müdafiə sistemi, 194 ədəd hərbi təyyarə, 155 ədəd helikopter, 1843 ədəd avtomobil texnikası, 10 ədəd gəmi/kater, 76 ədəd yanacaq sisterni, 291 ədəd PUA, 38 ədəd xüsusi texnika, 4 operativ-taktiki raket kompleksi və 84 qanadlı raket itirib.
