İsraildən olan muzdlular Ukraynada "Azov" alayının döyüşçüləri ilə birlikdə vuruşur.APA xəbər verir ki, bunu Rusiya Xarici İşlər Nazirliyinin (XİN) rəsmi nümayəndəsi Mariya Zaxarova deyib.
“Yenə bir məsələni deyəcəyəm, amma İsraildə indi informasiya kampaniyasını şişirdən siyasətçilər çətin ki, bunu eşitmək istəsinlər. Ola bilsin ki, onlara maraqlı olacaq. Ukraynada hazırda faktiki olaraq israilli muzdlular əslində “Azov” döyüşçüləri ilə çiyin-çiyinədir”, - Zaxarova “Sputnik“ radiosunun efirində qeyd edib.
Rusiya XİN sözçüsü əlavə edib ki, İsraildə bundan xəbərsiz ola bilməzlər.
“Mən videonu, fakturanı, materialları gördüm”, - Zaxarova vurğulayıb.
