Ukrayna Rusiya hərbçiləri tərəfindən Luqansk vilayətində ələ keçirilən "Soxranovka" stansiyası vasitəsilə qazın Avropaya tranzitini dayandırıb.Senzor.az yerli KİV-ə istinadən bildirir ki, bu barədə Ukraynanın GTS operatoru məlumat yayıb.
Şirkət fors-major vəziyyətin baş verdiyini açıqlayıb. Avropaya tranzitin demək olar ki, üçdə biri "Soxranovka" vasitəsilə reallaşır.
Məlumatda deyilir ki, 11 may 2022-ci il saat 07:00-dan qovşaqdan qaz qəbul edilməyəcək.
Bununla bərabər, Ukrayna avropalı tərəfdaşları qarşısında tranzit öhdəliklərini tam həcmdə və müqavilənin şərtlərinə uyğun yerinə yetirməkdən ötrü tranzitin müvəqqəti olaraq başqa ərazidən həyata keçirilməsi üçün variantlar axtarır.
