Heydər Əliyev Fondunun təşəbbüsü ilə keçirilən “Bakı Marafonu-2022”nin qalibləri müəyyənləşib.Senzor.az bildirir ki, “Küləyə qalib gəl” şüarı altında keçirilən Bakı marafonunda rusiyalı Rinas Axmadeyev qalib gəlib. Atlet marşrutu 1 saat 4 dəqiqəyə qət edib.
Onun 32 yaşı var. Rinas əslən Kazan şəhərindəndir.
Qadınlar arasında isə birinci yerin qalibi Ukrayna təmsilçisi Valentina Vereskaya olub.
Xatırladaq ki, yarışın start nöqtəsi ilə yanaşı, finişi də Dövlət Bayrağı Meydanı olub və 21 kilometrlik məsafəni əhatə edib. 2016-cı ildən təşkil olunan Bakı marafonu idmanın inkişafına dəstək göstərmək, sağlam həyat tərzini təbliğ etmək məqsədi daşıyır.
