İrəvandakı Fransa meydanında müxalif “Müqavimət” hərəkatının növbəti mitinqi başlayıb.Senzor.az “Sputnik Armeniya”ya istinadən bildirir ki, “Hayastan” fraksiyasından olan deputat Aram Vardevanyan açılış nitqi ilə çıxış edib.
O bəyan edib ki, Ermənistanda ədalətin bərqərar olmasında xalq prioritet rol oynamalıdır. Bu, 44 günlük müharibə fonunda xüsusilə nəzərə çarpır.
"Biz Ermənistanda andlılar İnstitutunun tətbiqi məsələsini, xüsusilə də 44 günlük müharibə şəraitini öyrənmək üçün müzakirə etməliyik", - Vardevanyan bildirib.
Onun sözlərinə görə, amnistiya məsələsi də müzakirə olunacaq.
"2018-ci ildə bizə bir çox vədlər verildi, amma nəticədə nə oldu? Qaz, su, elektrik-hər şey bahalaşıb. Bundan başqa, əmlak vergisi də artırılıb. Bu islahatın dayandırılmasını təklif edirəm", - deyə o bildirib.
Ermənistan parlamentinin vitse-spikeri, "Müqavimət" Hərəkatının liderlərindən biri İşxan Sagatelyan Fransa Meydanından oliqarxlara müraciət edib."Mən hazırkı hakimiyyətin dayağı olan, Nikolu dəstəkləyən oliqarxlara xüsusi xəbərdarlıq edirəm. Onların adları hamıya məlumdur. Sizin hələ xalq mübarizəsinə qoşulmaq, “feyklər fabriki”ni maliyyələşdirməyi dayandırmaq şansınız var. Bu iqtidar onsuz da hakimiyyətdən uzaqlaşdırılacaq və əgər ağılınızı başınıza yığmasanız, hər biriniz məsuliyyət daşıyacaqsınız", - deyə Saqatelyan bildirib.
Növbəti addımları şərh edən müxalifətçi qeyd edib ki, erməni xalqına “dövlətin məhv edilməsi prosesini dayandıran, sərhədlərin qorunmasını, toxunulmazlığını təmin edən, özünün bir nömrəli funksiyasını - ərazi bütövlüyünün qorunmasını yerinə yetirən, layiqli hakimiyyət quran milli hökumət lazımdır, Ermənistanı firavan və təhlükəsiz ölkəyə ədalətli sülh çevirəcək”.
Saqatelyan qeyd edib ki, bu prosesin lap əvvəlində sona qədər gedəcəyinə söz vermişdi, o və tərəfdarları bu mübarizənin uğuru üçün hər şeyi təhlükəyə atıblar, hər cür fədakarlığa hazırdırlar və məqsədlərinə çatmaq üçün bundan sonra da əllərindən gələni edəcəklər.
Senzor.az
