Ermənistanda siyasi vəziyyət gərgin olaraq qalır. Müxalifətin bir aydır ki, başlatdığı vətəndaş itaətsizliyi aksiyaları polislər tərəfindən zorakılıqla dağıdılır.

Yerli media isə bu gün məlum siyasi proseslər, cəmiyyətdə yaranmış xaosla bağlı hüquq-mühafizə orqanları əməkdaşları arasında fikir ayrılıqlarının yaranmasından yazıb. Qeyd edilir ki, heç də bütün polis əməkdaşları öz peşə vəzifələrini ürəklə yerinə yetirmirlər.

Buna misal olaraq İrəvanda qeydə alınmış bir videonu göstərmək olar. “Vətəndaş Şüuru” QHT-sinin sədri Narek Samsonyanın təqdim etdiyi görüntülərdə iki qrup polis arasında toqquşma baş verdiyi görünür. Samsonyan məlum videoya şərh verərək yazıb: “Mafiya ilə(Paşinyanın tərəfini tutan polisləri nəzərdə tutur-red.) mayorlar arasında mübarizə davam edir. Siz isə hələ də “polis Nikol deyil” deyirsiniz".