Ermənistan müxalifəti bu gün səhər yenidən mitinq təşkil edib.
Senzor.az yerli KİV-ə istinadən bildirir ki, İrəvanın Fransa meydanına toplaşan "Müqavimət" hərəkatının tərəfdarları şəhərin mərkəzindən keçərək Ermənistan Xarici İşlər Nazirliyinin binasına doğru gediblər.
Aksiya iştirakçıları Sayat-Nova prospekti ilə addımlayaraq əllərində “Yeni kapitulyasiya olmayacaq!”, “Nikol bizi təmsil etmir” və Azərbaycana qarşı ərazi iddiaları əks olunan plakatlar tutublar. 
Qeyd edək ki, Rusiyanın xarici işlər naziri Sergey Lavrov Ermənistanda səfərdədir. Müxalifət nümayəndələri hazırda rusiyalı nazirə onu nümayiş etdirməyə çalışırlar ki, baş nazir Nikol Paşinyanla imzalanan sazişlər hüquqi qüvvəyə malik deyil. Çünki onların fikrincə, hazırkı hökumət başçısı erməni xalqının maraqlarını təmsil etmir.
