İraqın şimalında keçirilən “Pençe-Kilit” əməliyyat zonasında terrorçular tərəfindən yerləşdirilən partlayıcı qurğunun işə düşməsi nəticəsində yaralanan 3 əsgərdən biri dünyasını dəyişib.
Senzor.az yerli KİV-ə istinadən bildirir ki, beləliklə, həlak olan hərbçilərin sayı 2 nəfərə çatıb.
Digər iki yaralının müalicəsi davam etdirilir.
**23:56(11.06.2022)
Türkiyə Ordusunun İraqın şimalında keçirdiyi “Pençe-Kilit” əməliyyat zonasında 1 türk əsgəri həlak olub, daha bir neçə hərbçi yaralanıb.
Senzor.az bildirir ki, bu barədə Türkiyənin Milli Müdafiə Nazirliyi məlumat yayıb.
Qeyd edilir ki, terrorçular tərəfindən yerləşdirilən partlayıcı qurğunun işə düşməsi nəticəsində daha 3 əsgər yaralanıb. Yaralılar xəstəxanaya yerləşdirilib və müalicələrinə başlanılıb.
Türkiyə Milli Müdafiə Nazirliyi həlak olan əsgərin ailəsinə başsağlığı verib, yaralananlara şəfa diləyib.
Qeyd edək ki, Türkiyə Ordusu İraqın şimalında “Pençe-Kilit” antiterror əməliyyatına aprelin 18-də başlayıb.
