Türkiyə Silahlı Qüvvələrinin (TSK) FETÖ terror təşkilatı ilə əməkdaşlıqda şübhəli bilinən hərbi qulluqçularının saxlanılması istiqamətində növbəti genişmiqyaslı əməliyyat başladılıb.
Senzor.az yerli KİV-ə istinadən bildirir ki, Türkiyənin İzmir Baş Prokurorluğu tərəfindən keçirilən əməliyyatlarda 47 hərbçinin saxlanılmasına qərar verilib.
Haqqında həbs qətimkan tədbiri seçilən şübhəlilərdən birinin polkovnik, 28-nin baş çavuş, ikisinin isə çavuş rütbəsində olduğu bildirilir.
Saxlanılmasına qərar verilən 47 nəfərdən 31-i artıq nəzarətə götürülüb. Digər şəxslərin saxlanılması istiqamətində işlər davam edir.
