Rusiya iyunun 25-26-da Ukrayna ərazisinə ümumi dəyəri 150-220 milyon dollar olan raket atıb.
ABŞ-ın məşhur “Forbes” nəşrinin yaydığı məlumatda belə deyilir.
Həmin günlərdə Rusiya Ukrayna ərazisinə 60-80 uzun mənzilli raket atıb. Raketlərin əksəriyyəti Jitomir (30) və Çerniqov (20) vilayətlərinə düşüb. Bundan başqa, Kiyev, Xmelnitski, Lvov və Dnepropetrovsk vilayətləri də Rusiya qoşunlarının raket hücumlarına məruz qalıb.
Məlumata görə, Rusiya əlində olan bütün raketlərdən, o cümlədən, "Toçka-U", "X-22", "Oniks", "İskəndər", "Kalibr" və "X-101" raketlərindən istifadə edir.
Xatırladaq ki, bazar ertəsi, iyunun 27-də Rusiya Ukrayna şəhərlərinə raket zərbələri endirməkdə davam edib. Raketlərdən biri Poltava vilayətinin Kremençuq şəhərindəki ticarət mərkəzinə düşüb.
Son məlumata görə, hücum nəticəsində 18 nəfər həlak olub, 40-a yaxın insan isə itkin kimi axtarışdadır.
