“Ukraynadakı vəziyyəti həll etmək üçün Rusiya Prezidenti Vladimir Putinlə daimi təmasdayam”.
Senzor.az yerli KİV-ə istinadən bildirir ki, bunu Türkiyə Prezidenti Rəcəb Tayyib Ərdoğan NATO-nun Madriddəki sammitindən sonra keçirilən mətbuat konfransında deyib.
“Mən Vladimir Putinlə daimi təmasdayam. Tezliklə atəşkəs üçün bütün diplomatik səyləri göstərmək lazımdır”, - o deyib.
Türkiyə lideri taxıl məsələsini müzakirə etmək üçün Vladimir Putinlə danışıqlar aparmağı planlaşdırdığını vurğulayıb.
“Cari həftənin sonunda, yeni həftənin əvvəlində taxıl dəhlizi ilə bağlı həm Putin, həm də Zelenski ilə telefon danışığı aparmağı planlaşdırıram”, – deyə Ərdoğan bildirib.
