Ermənistanda növbəti dəfə etiraz aksiyası keçirilib.
Senzor.az yerli KİV-ə istinadən bildirir ki, bir vaxtlar Azərbaycan torpaqlarında məskunlaşmış və Qarabağ müharibəsi zamanı qaçan ermənilər hökumət binası yaxınlığında oturaq aksiya təşkil ediblər.
Onların fikrincə, etiraz aksiyası uzunmüddətli olacaq.
Etirazçı ermənilər havada qaldıqlarından, onlara "qaçqın" statusunun verilməməsindən gileyləniblər. Onlar həmçinin anromal və təxribatçı çağırışlar edərək Ermənistan hakimiyyətini Azərbaycan ərazisi olan Qarabağın "müstəqilliyini" tanımağa və ya İrəvana birləşməsini elan etməyə çağırıblar.
“Hadrut naminə” qeyri-hökumət təşkilatının sədri Levon Hayriyan “Sputnik Ermənistan”a açıqlamasında deyib ki, piket iştirakçılarının əsas hissəsi Hadrutdan qaçan ermənilərdən ibarətdir. Aksiya iştirakçıları arasında Şuşada məskunlaşmış keçmiş "sakinlər" də var.
