Ermənistanın müdafiə naziri Suren Papikyan sabah, iyulun 10-da Zəngəzur bölgəsinə gələcək.
Bu barədə “Hraparak” nəşri məlumat yayıb.
Qeyd edilib ki, səfər son günlər sərhəddə yaşanan gərginliklə yox, hakim “Vətəndaş müqaviləsi” partiyası daxilində baş verən proseslərlə bağlıdır.
Məsələ burasındadır ki, Qafanda hakim partiyanın şurası seçiləcək. Şura sədri vəzifəsi uğrunda gərgin rəqabət gözlənilir. Bildirilir ki, nazirin məqsədi Zəngəzur bölgəsində partiyadaxili gərginliyi nəzarətə almaqdır.
Məlumatlara görə, ümumiyyətlə hakimiyyətdaxili qruplar Zəngəzur bölgəsinə nəzarət uğrunda rəqabətdədirlər. Papikyanın əyalətə baş nazir Nikol Paşinyanın tapşırığı ilə gələcəyi qeyd olunur.(modern.az)
