Rusiya Silahlı Qüvvələrinin indiyədək Ukraynada itirdiyi canlı qüvvə və texnikanın sayı ilə bağlı yenilənmiş məlumat yayılıb.
Senzor.az yerli KİV-ə istinadən bildirir ki, məlumatı Ukrayna Silahlı Qüvvələrinin Baş Qərargahı yayıb.
Bildirilir ki, "Ukraynada hərbi əməliyyatlar başlayandan bəri Rusiya Silahlı Qüvvələrinin 37 500 hərbçisi məhv edilib”.
Qeyd olunub ki, Rusiya Silahlı Qüvvələrinin digər döyüş itkiləri 1645 tank, 3828 zirehli maşın, 838 artilleriya sistemi, 247 reaktiv yaylım atəşi sistemi, 109 hava hücumundan müdafiə sistemi, 217 təyyarə, 188 helikopter, 676 operativ-taktiki PUA, 155 qanadlı raket, 15 gəmi/qayıq, 2696 avtomobil və tanker, 66 xüsusi texnikadan ibarətdir.
Bildirilib ki, Rusiya ordusu daha çox Kramatorsk istiqamətində itkilər verib.
Xatırladaq ki, Rusiya 2022-ci il fevralın 24-də Ukrayna ərazisinə hərbi müdaxilə edib.
