Böyük Britaniyanın yeni Baş naziri Rişi Sunakla ABŞ Prezidenti Co Bayden arasında ilk telefon danışığı olub.
Bu barədə Britaniya Baş nazirinin Aparatı məlumat yayıb.
Tərəflər iki ölkə arasında əməkdaşlıq, Ukraynaya yardım məsələsi və Çinin dünyadakı təsiri barədə müzakirə aparıblar.
“Liderlər İndoneziyada keçiriləcək G20 sammitində təkbətək görüşü səbirsizliklə gözləyirlər”, - Britaniya Baş Nazirliyi Aparatının yaydığı bəyanatda deyilir.
Xatırladaq ki, “Böyük İyirmilik” ölkələrinin sammiti noyabrın 15-dən 16-dək Balidə (İndoneziya) keçiriləcək.
