"Birləşmiş Millətlər Təşkilatı Azərbaycana hər cür dəstəyi davam etdirəcək".
Bunu BMT-nin Azərbaycandakı rezident əlaqələndiricisi Vladanka Andreyeva BMT Günü münasibətilə keçirilən tədbirdə deyib.
O qeyd edib ki, BMT AYİB və Dünya Bankı ilə birlikdə Azərbaycana pandemiyadan sonra dəstəyini davam etdirəcək.
"Bu il Azərbaycan və BMT əlaqələrin qurulmasının 30 illiyini qeyd edir. Keçən illər ərzində Azərbaycanla BMT arasında əməkdaşlıq artıb və inkişaf edib", - Vladanka Andreyeva bildirib.
Onun sözlərinə görə, BMT Azərbaycana erməni işğalından azad edilmiş ərazilərin minalardan təmizlənməsi, ətraf mühitin bərpası, enerji səmərəliliyi və digər sahələrdə dəstək göstərir.
