Avropa İttifaqı (Aİ) Ukraynada qurumun hərbi təlim missiyasının yaradılmasının mümkünlüyünü nəzərdən keçirir.Bu barədə “Welt am Sonntag” qəzeti məlumat yayıb.
Sözügedən missiya “EU Military Advisory and Training Mission Ukraine” (EUATM, Aİ -nin Ukraynadakı hərbi məsləhət və təlim missiyası - Red) adlanacaq. Qeyd olunub ki, belə bir missiyanın yaradılması Ukrayna ilə həmrəyliyi ifadə edəcək.
Məlumata əsasən, təlim missiyasının ölkədə yaradılmasını cari ilin iyul ayında Ukraynanın xarici işlər və müdafiə nazirləri xahiş ediblər və bu barədə Avropa İttifaqının xarici siyasət və təhlükəsizlik məsələləri üzrə ali nümayəndəsi Jozep Borrelə məktub göndərilib.
