ABŞ hökuməti İranın nüvə silahına sahib olmasının qarşısını almaq üçün hərbi əməliyyatları istisna etmir.
Bunu ABŞ dövlət katibi Entoni Blinken bazar günü Yaxın Şərqə səfəri zamanı deyib.
O qeyd edib ki, İranla bağlı bütün variantlar nəzərdən keçirilir. Hərb variantının olub-olmadığını soruşduqda, Blinken bunu da istisna etməyib: "Bütün variantlar masanın üstündədir".
Bununla belə, Blinken üstünlük verilən yolun diplomatiyadan keçdiyini də bildirib. Dövlət katibinin sözlərinə görə, İranın beynəlxalq nüvə sazişinə qayıtmaq şansı var idi, lakin o bundan imtina etdi.
Azvision.az xatırladır ki, hələ 2022-ci ilin yayında ABŞ Prezidenti Cozef Bayden də “ən son halda” İrana hücum variantını istisna etməmişdi.
