Özbəkistan Prezidenti Şavkat Mirziyoyev iyulun 2-3-də Gürcüstana dövlət səfəri edəcək.
Senzor.az yerli KİV-ə istinadən bildirir ki, səfər çərçivəsində Tbilisidə Özbəkistan liderinin Gürcüstan Prezidenti Mixeil Kavelaşvili və Baş nazir İrakli Kobaxidze ilə görüşləri nəzərdə tutulub.
Tərəflər arasında keçiriləcək danışıqlarda siyasi dialoqun daha da dərinləşdirilməsi, ticarət-iqtisadi əməkdaşlığın genişləndirilməsi, eləcə də sənaye, energetika, logistika və informasiya texnologiyaları sahələrində birgə layihələrin həyata keçirilməsi müzakirə olunacaq.
Səfərin yekununda iki ölkə arasında əməkdaşlığın inkişafına yönəlmiş dövlətlərarası sazişlər paketinin imzalanacağı gözlənilir.
