Venesuelada baş verən zəlzələ qurbanlarının sayı 2 295 nəfərə çatıb.
Senzor.az bildirir ki, bu barədə "Venezolana de Televisión" telekanalının efirində Milli Assambleyanın sədri Xorxe Rodriqes məlumat verib.
"İki zəlzələ nəticəsində ölənlərin sayı 2 295-ə, yaralananların sayı isə 11 267-yə çatıb", - o qeyd edib.
Daha əvvəl 1943 nəfərin öldüyü bildirilirdi.
Venesuela Bolivar Respublikasının Prezidenti vəzifəsini icra edən Delsi Rodriqes bu gün öz "Telegram" kanalında bildirib ki, ölkədə zəlzələ qurbanlarının xatirəsinə yeddi günlük milli matəm elan edilir.
Xatırladaq ki, iyunun 25-nə keçən gecə Venesuelanın şimalında 40 saniyə fərqlə 7,2 və 7,5 maqnitudalı iki zəlzələ olub. Ölkə hakimiyyəti fövqəladə vəziyyət rejimi elan edib.
