Dünya birjalarında neftin qiyməti bahalaşıb.Senzor.az bildirir ki, Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,44 dollar artaraq 82,39 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 1,05 dollar bahalaşaraq 79,35 dollar olub.
Azərbaycan neftinə gəlincə, o bir qədər də bahalaşıb.
Belə ki, “Azeri Light” markalı neftin bir barelinin dəyəri 0,97 ABŞ dolları və ya 1,16 faiz artıb.
Nəticədə dünya bazarında Azərbaycan neftinin bir barelinin qiyməti 84,78 ABŞ dolları təşkil edib.
Qeyd edək ki, “Azeri Light” markalı neftin bir barelinin qiyməti 2020-ci ilin aprel ayında minimal səviyyədə - 15,81 dollar olub, 2008-ci ilin iyulunda isə maksimum qiymətə - 149,66 dollara satılıb.
