Azərbaycan, Rusiya və Ermənistan Baş nazirlərinin müavinlərindən ibarət İşçi qrup istismarına başlanılması nəzərdə tutulan dəmir yollarının xəritəsi üzrə konsensusa yaxınlaşa bilib.TASS xəbər verir ki, bunu İşçi qrupun Ermənistandan olan üzvü, baş nazirin müavini Mqer Qriqoryan parlamentdəki çıxışında deyib.
Onun sözlərinə görə, avtomagistralların xəritəsi üzrə məsləhətləşmələr isə hələ davam edir: “Avtomobil yolları ilə bağlı hələlik konsensus yoxdur. Müxtəlif təkliflər var, lakin konsensus və ümumi yanaşma əldə olunmayıb. Avtomobil yollarına dair əlimizdə artıq hazır xəritə var deyə bilmərik. Dəmir yoluna gəlincə, daha yaxın yanaşmalar və baxışlar var. Orada suallar aydındır”.
