“Belarus Rusiyanın “İskəndər” raket sistemlərini almaqda maraqlıdır, onlara qərb və cənub istiqamətlərində ehtiyac var".Senzor.az yerli KİV-ə istinadən bildirir ki, bunu Belarus prezidenti Aleksandr Lukaşenko deyib.
“Mənə qərbdə və cənubda bir neçə diviziya lazımdır, qoy orada dayansınlar. Bu, raketin uçuş məsafəsi 500 kilometrdir, bizim “Polonez” isə 300 kilometrə qədər məsafəni qət edir”, - Lukaşenko bildirib.
Minsk bu ilin sentyabrında 2025-ci ilə qədər Rusiyadan alacağı silahların (dəyəri 1 milyard dollardan çoxdur) siyahısını Moskva ilə razılaşdırıb.
Lukaşenkonun sözlərinə görə, söhbət onlarla təyyarə və helikopter, "Tor-M2" zenit-raket kompleksi, həmçinin "S-400" hava hücumundan müdafiə sistemlərinin tədarükündən gedir.
