Avropa İttifaqı (Aİ) miqrasiya böhranını həll etmək üçün rəsmi Minsklə dialoq aparmaq üçün ciddi səy göstərmir.“RİA "Novosti"nin məlumatına görə, bunu Belarus xarici işlər nazirinin müavini Serqey Aleynik deyib.
Onun sözlərinə görə, Belarusun problemi birtərəfli yolla həl etmək üçün planı yoxdur: “Aprel ayından miqrasiya məsələləri ilə bağlı ən azı müəyyən qədər ünsiyyət, dialoq və məsləhətləşmələr üçün etdiyimiz israrlı cəhdlərimiz cavabsız qalır, daha doğrusu, rəsmi cavab aldıq, mənfidir. Beləliklə, biz bu gün Aİ tərəfindən bu problemlərin həlli üçün heç bir səy görmürük”.
Nazir müavini vurğulayıb ki, Belarus hakimiyyəti bütün mərhələlərdə dialoqa hazır olduğunu bəyan edib, lakin ilkin şərt olmadan və bərabərhüquqlu əsaslarla: “Bu problemi birlikdə həll etmək lazımdır”, - o vurğulayıb.
