Bu gün Bakıda batut gimnastikası üzrə dünya çempionatı start götürəcək.Senzor.az xatırladır ki, ölkəmizdə bu növ üzrə indiyədək Avropa çempionatı və çoxsaylı dünya kubokları keçirilib. Amma dünya çempionatı ilk dəfədir təşkil olunur.
İlkin qeydiyyat siyahısına əsasən, yarışda 33 ölkədən 300-dək gimnast iştirak edəcək. Dörd gün davam edəcək çempionatda gimnastlar batut üzərində fərdi və sinxron tullanışlar, tamblinq və ikili mini-batut üzrə proqramlarda çıxış edəcəklər. Bundan əlavə, komanda hesabında qaliblər müəyyənləşəcək.
Yarışların ilkin cədvəlinə əsasən, ilk iki gün təsnifat, sonuncu iki gün isə finallar keçiriləcək. Qaydalara əsasən, bir iştirakçı bir neçə proqramda çıxış edə bilər.
Çempionatda hər bir proqram üzrə təsnifat və final mərhələləri olacaq.
