Rusiya Prezidenti Vladimir Putin Soçidə Fələstin muxtariyyətinin dövlət başçısı Mahmud Abbasla görüşüb.Senzor.az bildirir ki, Rusiya Prezidenti Fələstin liderini noyabrın 15-də dövlətdə qeyd olunan Müstəqillik Günü münasibətilə təbrik edib və Fələstin Xalqı ilə Beynəlxalq Həmrəylik Gününün yaxınlaşdığını xatırladıb.
Putin Fələstin xalqının yaşadığı şəraitdən xəbərdar olduğunu bildirib. Xarici ölkələrin təzyiqləri və bölgədəki gərgin vəziyyətin, eləcə də yeni növ koronavirus (COVID-19) epidemiyasının da bu şərtlərə təsir etdiyini vurğulayaraq qeyd edib ki, Rusiya COVID ilə mübarizədə Fələstinə kömək edir.
Putin Rusiyanın Fələstin probleminin həlli ilə bağlı yanaşmasında heç bir dəyişiklik olmadığını da xatırladıb: “Birləşmiş Millətlər Təşkilatının Təhlükəsizlik Şurasının qərarlarına uyğun olaraq, Fələstin problemi iki müstəqil dövlət əsasında, bu ölkədə yaşayan bütün insanların mənafeyini nəzərə alan ədalətli zəmində həll edilməlidir. Nə qədər çətin olsa da, biz də buna nail olmağa çalışacağıq”.
