İsrail hökuməti koronavirusun “omicron” ştammına yoluxmuş insanların geolokasiya məlumatlarının izlənməsinə izacə verib.“RİA Novosti” bildirir ki, müvafiq məlumat hökumətin mətbuat xidməti tərəfindən yayılıb.
Məlumata görə, yoluxanlar Ümumi Təhlükəsizlik Xidməti (ŞABAK) tərəfindən izlənəcək.
“Omicron” daşıyıcısının yerinin cib telefonu vasitəsilə müəyyən edilməsi halları virusun yayılmasının dayandırılması və yoluxma zəncirinin qırılması məqsədilə həyata keçiriləcək”, - deyə məlumatda bildirilib. Məlumatda o da vurğulanır ki, qərar məhdud bir müddət üçün (dekabrın 2-dək) qəbul edilib və gündəlik nəzərdən keçiriləcək. Yoluxma çoxalacağı təqdirdə ŞABAK bu yöndə fəaliyyətini dayandıracaq.
