Moskvada “altılıq platforması”nın (“3+3”) ilk iclası keçiriləcək.Senzor.az bildirir ki, bu barədə Türkiyə Xarici İşlər Nazirliyi (XİN) məlumat yayıb.
Bildirilib ki, Cənubi Qafqazda davamlı sülh və sabitliyin təsis edilməsi üçün Türkiyə və Azərbaycan prezidentləri tərəfindən irəli sürülən “3+3” formatındakı regional əməkdaşlıq platformasının ilk iclası 10 dekabr 2021-ci il tarixində Moskvada keçiriləcək.
İclasa Türkiyə, Azərbaycan, Ermənistan, Rusiya və İran xarici işlər nazirlərinin müavinləri qatılacaq.
Azərbaycan XİN-dən bildirilib ki, “Altılıq platforması”nın iclasında ölkəmizi xarici işlər nazirinin müavini Xələf Xələfov təmsil edəcək.
